யூனியன் பேங்க் ஆப் இந்தியா – 1,500 உள்ளூர் வங்கி அதிகாரி பணியிடங்களுக்கு விண்ணப்பிக்கவும்!

union bank Local Bank Officer – LBO யூனியன் பேங்க் ஆப் இந்தியாவில் உள்ளூர் வங்கி அதிகாரி பணியிடங்கள் – விண்ணப்பிக்கவும் வாய்ப்புகளைப் பயன்படுத்தவும்

சென்னை: நாட்டின் முன்னணி பொதுத்துறை வங்கிகளில் ஒன்றான யூனியன் பேங்க் ஆப் இந்தியா, 1,500 உள்ளூர் வங்கி அதிகாரி (Local Bank Officer – LBO) பணியிடங்களை நிரப்ப அறிவித்துள்ளது. மும்பையை தலைமையிடமாகக் கொண்டு செயல்படும் இந்த வங்கியிடம், இந்தியாவின் அனைத்து மாநிலங்களிலும் கிளைகள் உள்ளன. குறிப்பாக, 75 ஆயிரம் ஊழியர்களுடன் செயல்படும் இந்த வங்கியில் காலிப்பணியிடங்கள் வங்கிப் பணியாளர் தேர்வு ஆணையம் மற்றும் நேரடியாகவும் நிரப்பப்படும்.

பணியிட விவரங்கள் மற்றும் கல்வி தகுதி:

1,500 லோக்கல் பேங்க் ஆபிசர் (JMGS-I) பணியிடங்கள் உள்ளன. தமிழகத்தில் மட்டும் 200 பணியிடங்கள் காலியாக உள்ளன. இதற்கான விண்ணப்பதாரர்கள் அங்கீகரிக்கப்பட்ட கல்வி நிலையத்தில் ஏதேனும் ஒரு பாடப்பிரிவில் பட்டம் முடித்திருக்க வேண்டும். மேலும், உள்ளூர் மொழியைத் தெரிந்திருப்பதும் அவசியம்.

union bank Local Bank Officer – LBO

Read Also: ராணுவத்தில் சேர அருமையான வாய்ப்பு: கோவையில் நவம்பர் 4ம் தேதி ஆள்சேர்ப்பு முகாம்-army job

மாநில வாரியாக மொழி தேர்ச்சி:

• தமிழகம்: தமிழ் மொழி அறிவு அவசியம்.
• கேரளம்: மலையாளம் தெரிந்திருக்க வேண்டும் (கேரளாவில் 100 இடங்கள் உள்ளன).
• மற்ற மாநிலங்கள்: மகாராஷ்டிரா, கர்நாடகா, ஆந்திரா போன்ற இடங்களில் உள்ள காலிப்பணியிடங்களுக்கும் உள்ளூர் மொழி அறிவு தேவைப்படும்.

வயது வரம்பு மற்றும் தளர்வுகள்:

• விண்ணப்பிக்க வரும் விண்ணப்பதாரர்கள் 20 வயது முதல் 30 வயது வரை இருக்க வேண்டும்.
• வயது தளர்வுகள்:
• எஸ்சி/எஸ்டி: 5 ஆண்டுகள்
• ஒபிசி: 3 ஆண்டுகள்
• மாற்றுத்திறனாளிகள்: பொதுப்பிரிவு – 10 ஆண்டுகள், ஒபிசி – 13 ஆண்டுகள்

சம்பளம்:

தேர்வு செய்யப்பட்ட விண்ணப்பதாரர்களுக்கு மாதம் ரூ.48,480 முதல் ரூ.85,920 வரையிலான சம்பளம் வழங்கப்படும்.

தேர்வு முறை:

விண்ணப்பதாரர்கள் முதலில் ஆன்லைன் தேர்வில் பங்கேற்க வேண்டும், இதனை தொடர்ந்து குழு ஆலோசனை (Group Discussion) அல்லது நேர்முகத் தேர்வு (Interview) நடைபெறும். தேர்வு மையங்கள் நாடு முழுவதும் உள்ள முக்கிய நகரங்களில் இருக்கும்; தமிழகத்தில் முக்கிய நகரங்களில் தேர்வு நடைபெறும்.

union bank Local Bank Officer – LBO

NOTIFICATION-OF-LBOs-FINAL

தேர்வு மையங்கள் – தமிழகம்:

• சென்னை, கோவை, கடலூர், ஈரோடு, கரூர், கிருஷ்ணகிரி, மதுரை, நாகர்கோயில், புதுக்கோட்டை, ராமநாதபுரம், சேலம், தஞ்சாவூர், திருச்சி, திருநெல்வேலி, வேலூர், விருதுநகர்.

விண்ணப்ப கட்டணம்:

விண்ணப்பிக்கின்றபோது, கட்டணமாக ரூ.850 செலுத்த வேண்டும். எஸ்சி/எஸ்டி/மாற்றுத்திறனாளிகளுக்கு ரூ.175.

விண்ணப்பக் கடைசி நாள்: 13 நவம்பர், 2024. விண்ணப்பதாரர்கள் https://www.unionbankofindia.co.in/english/recruitment.aspx என்ற லிங்கை பயன்படுத்தி ஆன்லைனில் விண்ணப்பிக்கலாம்.